more traffic

زحمة يا دنيا

مطلوب لتنفيذ عدد 1 فيديو كليب رجالي

عدد 1 سيارة همر أو رولز كوبيه أو بورش كايين - الليموزين أم 16 راكب تنفع برضو

عدد 1 بدلة سوداء لميعة فوق قميص أبيض مفتوح للصرة علشان لازم السلسلة الكاتييير والشعر الرجولي يبينو

عدد 20 راقصة من الهواة - الجنسيات لا تهم طالما يكون عندهم مؤهلات بارزة وخلفية ثقافية وبتعرف تهز

عدد 4 أو 5 راقصين ذكور (شكلياً قفط) - بشرط عدم الظهور بنفس اللقطات اللي أظهر بيها لأنو آنا البطل وميصحش كدا

موبال آخر صرعة و ياريت هاظا الكومينيكاتور اللي بيحكو عليه

كاميرات تصور فقط على السرعة البطيئة زي تبع عمرو دياب

فيلا مع مسبح ليلي

خيل بترمح على البيتش

مكتب بيزنيس على أساس إنو يعني رجل أعمال

مطاردة سيارات ويا حبذا انفجار ولا إثنين

طيارة خاصة وبودي جاردات

فرقة موسيقية على سطح العمارة أو بنص الصحرا

وآكشن

المراعي

حد فيكم شاف آخر إعلانات المراعي على الفضائيات؟ زوج وزجته عم يتجادلو على موضوع مصيري وهام وهو يعملو أنتريه - يعني ريسبشون للإخوة الفلح اللي متل حالاتي - ولا مجلس عربي وحركات ؟؟.

طبعاُ الإجابة على هذه المعضلة لم تأتي من كبير القوم أو الشيخ أو حتي الإنتيريور ديزانر ...

لا

الإجابة كانت عند مرطبان الجبنة ... طبعاً لأنه بصراحة مافي داعي تشغل راسك مثل الكفرة المزندقين وأمثالهم من المتأمريكين والمتدنمركيين الي بيبحثون على إجاباتهم عند ذوي الإختصاص و المعرفة والعياذ بالله..

فعند جبنة السلايس من المراعي الخبر اليقين

والله فشلة

سؤال فني

اشمعنا الناس بتصرع سلسفيل أبو الموبايلات بالمسجات والإس إم إس عل نيو ييير بس الكل بطنش راس السنة الهجريه...؟؟ ولا هو هادا العيد مش كووول يعني؟

مع تحيات الحج هريدي

*مع الشكر لموودز لإلتقاط الصورة

في الكويت

أنا حالياً في زيارة سريعة للكويت واجتمعت ببعض من الأصدقاء الكويتين وخبروني عن الأحداث التي تلت وفاة المرحوم الشيخ جابر الله يرحمه... بصراحة ياريت تتعلم الدول العربية اللي بتدعي الديموقراطية من التجربية الكويتية ... يعطيكم العافية يا أهل الكويت رفعتوا الراس

إعلانات أي كلام

شسالفتهم ويا إعلانات إذاعة العربية هاليومين؟

نموذج رقم 1

الأول:شو ... وينك يا مان؟

الثاني: آعد على البحر الكاريبي ... عم بشرب كوكتيل وعم بتفرج على المنازر الحلوة (أكيد قصده الحريم) والجو الرمانسي

الأول: وشو ودّاك عل كاريبي؟

الثاني: بفضل قرض بنك ******* اللي وافقولي عليه بسرعة

نموذج رقم 2

الأول:شو ... وينك يا مان؟
الثاني: آعد بالبيت عم بتسمع على جهاز المسرح المنزلي الضخم والبلازما السبعميت ألف بوصة
الأول: ومن وين حتى جبت كل هل إشيا الحلوة؟
الثاني: بفضل قرض بنك ******* اللي وافقولي عليه بسرعة

يعني خلاص ... ما تقدر تروح إجازة إلا فالكاريبي؟ شفيها الفجيرة ولا خورفكان؟ ... تبي تطلع من الديرة... إنزين روح صلالة.

صار الواحد يقدم طلب قرض لو يبغى يطلع إجازة أو يشتري مايكرويف أو حتى غرشة فيمتو....والله زمن

وسلامتكم

حقيقة مرّة

سامي الريامي: صحف الإمارات تصدر بأسماء مختلفة ومضمون واحد

صح لسانك والله

آخد موقف

تشغيل 120 عداداً من الجيل الجديد الأسبوع المقبل

" كما سيتم تركيب لوحات ارشادية في بعض المناطق المزدحمة تنبه مستخدمي المواقف بأن المدة المسموح لهم بالوقوف فيها هي ساعة كحد أقصى، وعلى من يرغب في الوقوف لأكثر من ذلك أن يتوجه إلى أي مبنى مواقف قريب من الموقع لإيقاف سيارته، موضحا بأن تقليل مدة الوقوف في بعض المواقع سيؤدي إلى زيادتها في مواقع أخرى لتلبية الطلب. "

يا حلاوتك.. والشبيبة اللي ساكنة أو دواماتها في هاي المناطق؟ وين تروح طال عمركم؟

قال حماية مستهلك قال

الفنية للتشريعات تناقش قانون حماية المستهلك ...... صح النوم - ليش معذبين حالكم والنتيجة دايماً واحدة؟

البلوغرز السورية واللبنانية

زرت كذا بلوغ للإخوة السوريين والإخوة اللبنانيين وبصاراحة ما عجبني اللي شفتو أبداً

غالبية البلوغز اللبنانية هاليومين حاملة يافطات وشعارات وطينة لبنانية وصلت حد التعصب وكراهية عمياء لكل شيء يمت بسوريا بصلة - بكفي عيب عليكن مش هيك

أما البلوغز السورية فهي نايمه بالعسل. العالم قايمة قيامتو على السورين والشباب البلوغرز السوريين عم بزبطوا البلوغرزات السوريات بالشعر والخواطر والصور اللي ما إلها طعمة

طبعاً أكيد لكل قاعدة في إستثناءات

بس الأغلبية بتطغى للأسف

وسلامتكم

سواقيين الشحن

سمعنا إنو شرطة دبي بدها تباشر بإلغاء 15 رخصة «ثقيلة» لمتجاوزي الإشارة الحمراء.. كتر خيركم والله .. بس إذا ما فها سآلة ممكن كمان تسحبو رخص سواقين الشاحنات اللي بيلعنوا أبو خامس شارع الإمارات وبسدوا كل المداخل والمخارج ؟

وممكن تسحبوا رخص سواقين الشاحنات اللي هم وواقفين عالإشارة ، بيفتح الباب وبزيّن الشارع ببزاق أخضر على صفار وبكميات غير قانونية وضارة بالبيئة والأوزون؟

وممكن تسحبوا رخص سواقين الشاحنات اللي بسوقو سيكس وييل كأنو راكب نيسان سني وبيعطيها يمين وشمال وعايش الدور كأننو هو آل يعني إبن خالة شوماخر ولا شي

قص الشريط

نحن العرب مبنقدر نفتتح شي إلا إذا قصينا شي شغلة...

وطالما عم نستفتح هالبلوغ الجديد (المدونة) على أولة الإخوة البلوغرز العرب المخضرمين... رح نقص الشريط ونستفتح هلبلوغ ببعض الملاحظات للإخوة المدونين:

هاي أول بلوغ لي بالعربي وبصراحة حيكون موجه للإخوة و الإخوات العرب مش للخواجات

أي شيء يتم نشره سواء في البوست أو الكومنت هو غير موجه لإهانة إي أحد أو أي شخص وإذا حس أي أحد فيكن أنو الحكي موجه له أو لها، فمع السلامة من غير مطرود

للإخوة أو الأخوات الي بحبو يتركو كومنتس، خدو راحتكم واكتبو إلي بدكو ياه وبأي لغة بدكو ياها.. بس بدون تجريح الله يرظى عليكو

ويا مسهل